Зяленскі сабраў Стаўку: Узмацняюць мяжу з Беларуссю праз «вагнераўцаў»
Пад старшынствам прэзідэнта Украіны адбылося пасяджэнне Стаўкі вярхоўнага галоўнакамандуючага, на якім, у прыватнасці, было вырашана ўзмацніць паўночны кірунак.
![](http://nnexpictures.fra1.digitaloceanspaces.com/img/w732d4webp1/photos/z_2023_06/zelenskij_getty230630-jcdgm.jpg.webp)
Уладзімір Зяленскі. Фота: Ukrainian Global Images via Getty Images
Зяленскі заслухаў даклады галоўнакамандуючага Валерыя Залужнага, камандуючага Сухапутнымі войскамі Аляксандра Сырскага, камандуючага аператыўна-стратэгічнай групоўкай войскаў «Таўрыя» Аляксандра Тарнаўскага і камандуючага Аб'яднаных сіл Сяргея Наева, як піша «Украінская праўда».
Прынятае рашэнне — з даручэннем Залужнаму і Наеву — выканаць комплекс мер па ўзмацненні паўночнага кірунку — мяжы з Беларуссю. Украінцы асцерагаюцца меркаванага прыбыцця «вагнераўцаў» у Беларусь.
Каментары