У Паветраных сілах Украіны паказалі, што комплекс Patriot збіў два самалёты і тры верталёты ў дзень «самалётападу» ў Бранскай вобласці
Паветраныя сілы УСУ да Дня зенітна-ракетных войскаў апублікавалі відэа, на адным з кадраў якога відаць знішчаныя амерыканскім ЗРК Patriot варожыя цэлі. Пад двума самалётамі і трыма верталётамі пазначана дата 13 мая — у той дзень у Бранскай вобласці ўпалі два самалёты і як мінімум два верталёты.
На кадрах украінскія байцы расказваюць пра абарону неба над Украінай ад расійскіх ракет і дронаў сістэмамі ЗРК С-300, Бук-М1, NASAMS, IRIS-T і Patriot.
У спісе збітых цэляў апошняга ЗРК праз трафарэт напісана 13.05.2023, над гэтым надпісам — два самалёты, тры верталёты і беспілотнік самалётнага тыпу.
Нагадаем, што ў той дзень у Бранскай вобласці Расіі амаль адначасова ўпалі два верталёты Мі-8, а таксама знішчальнікі Су-34 і Су-35. Сцвярджалася, што яны ляцелі атакаваць Чарнігаўскую вобласць Украіны.
На наступны дзень спікер Паветраных сіл УСУ Юрый Ігнат заявіў, што можа ісці гаворка пра тры збітыя верталёты і што да гэтага можа мець дачыненне СПА расійскіх войскаў.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары