U Pavietranych siłach Ukrainy pakazali, što kompleks Patriot źbiŭ dva samaloty i try viertaloty ŭ dzień «samalotapadu» ŭ Branskaj vobłaści
Pavietranyja siły USU da Dnia zienitna-rakietnych vojskaŭ apublikavali videa, na adnym z kadraŭ jakoha vidać źniščanyja amierykanskim ZRK Patriot varožyja celi. Pad dvuma samalotami i tryma viertalotami paznačana data 13 maja — u toj dzień u Branskaj vobłaści ŭpali dva samaloty i jak minimum dva viertaloty.
Na kadrach ukrainskija bajcy raskazvajuć pra abaronu nieba nad Ukrainaj ad rasijskich rakiet i dronaŭ sistemami ZRK S-300, Buk-M1, NASAMS, IRIS-T i Patriot.
U śpisie źbitych celaŭ apošniaha ZRK praz trafaret napisana 13.05.2023, nad hetym nadpisam — dva samaloty, try viertaloty i bieśpiłotnik samalotnaha typu.
Nahadajem, što ŭ toj dzień u Branskaj vobłaści Rasii amal adnačasova ŭpali dva viertaloty Mi-8, a taksama źniščalniki Su-34 i Su-35. Śćviardžałasia, što jany lacieli atakavać Čarnihaŭskuju vobłaść Ukrainy.
Na nastupny dzień śpikier Pavietranych sił USU Juryj Ihnat zajaviŭ, što moža iści havorka pra try źbityja viertaloty i što da hetaha moža mieć dačynieńnie SPA rasijskich vojskaŭ.
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary