Лукашэнка двойчы назваў нядаўна памерлага міністра транспарту Аўраменку «загінулым»
Адказваючы сёння на пытанне замежнай журналісткі аб перамяшчэнні ў Беларусь ядзернай зброі, Лукашэнка згадаў у гэтым кантэксце і былога міністра транспарту і камунікацый Аляксея Аўраменку, якога двойчы назваў не памерлым, а «загінулым».
Лукашэнка ўступіў у завочную дыскусію з незалежнымі медыя і тэлеграм-каналамі, якія на падставе сваіх крыніц сцвярджалі пра тое, што, прынамсі, чыгуначным транспартам ядзерная зброя ў Беларусь пакуль не завозілася.
«Не змаглі адсачыць, натуральна, як перамяшчаліся, куды перамяшчаліся ядзерныя боегалоўкі. І пішуць, што з чыгункай нешта там было звязана, і што загінулы нядаўна міністр транспарту расстроіўся, што мы тут паралізавалі чыгунку перамяшчэннем боепрыпасаў. Па-першае, боепрыпасы былі перамешчаныя даўно і не маюць ніякіх адносін да гібелі гэтага міністра. Таму трэба супакоіцца», — сказаў Лукашэнка.
Боегалоўкі ж, маўляў, перамяшчаліся «не па зямлі», таму гэтага ніхто і не заўважыў.
Назваўшы два разы Аляксея Аўраменку не «памерлым», а «загінулым», Лукашэнка фактычна пацвердзіў, што смерць зусім маладога паводле ўзросту міністра адбылася не з натуральных прычын.
Паводле інфармацыі «Нашай Нівы», атрыманай з дзвюх крыніц, 46-гадовы міністр транспарту і камунікацый Аляксей Аўраменка скончыў жыццё самагубствам. Адбылося гэта ў гаражы лецішча, яго знайшлі сваякі.
Цяпер чытаюць
У СІЗА КДБ апынуўся Мікалай Цырто, фігурант старой справы Беларусбанка. Другі раз — за палітыку1
У СІЗА КДБ апынуўся Мікалай Цырто, фігурант старой справы Беларусбанка. Другі раз — за палітыку
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары
Вот и ответ на вопрос. Министра убили лукашисты в связи с попыткой перемещения ЯО.