Łukašenka dvojčy nazvaŭ niadaŭna pamierłaha ministra transpartu Aŭramienku «zahinułym»
Adkazvajučy siońnia na pytańnie zamiežnaj žurnalistki ab pieramiaščeńni ŭ Biełaruś jadziernaj zbroi, Łukašenka zhadaŭ u hetym kantekście i byłoha ministra transpartu i kamunikacyj Alaksieja Aŭramienku, jakoha dvojčy nazvaŭ nie pamierłym, a «zahinułym».
Łukašenka ŭstupiŭ u zavočnuju dyskusiju ź niezaležnymi miedyja i telehram-kanałami, jakija na padstavie svaich krynic śćviardžali pra toje, što, prynamsi, čyhunačnym transpartam jadziernaja zbroja ŭ Biełaruś pakul nie zavoziłasia.
«Nie zmahli adsačyć, naturalna, jak pieramiaščalisia, kudy pieramiaščalisia jadziernyja bojehałoŭki. I pišuć, što z čyhunkaj niešta tam było źviazana, i što zahinuły niadaŭna ministr transpartu rasstroiŭsia, što my tut paralizavali čyhunku pieramiaščeńniem bojeprypasaŭ. Pa-pieršaje, bojeprypasy byli pieramieščanyja daŭno i nie majuć nijakich adnosin da hibieli hetaha ministra. Tamu treba supakoicca», — skazaŭ Łukašenka.
Bojehałoŭki ž, maŭlaŭ, pieramiaščalisia «nie pa ziamli», tamu hetaha nichto i nie zaŭvažyŭ.
Nazvaŭšy dva razy Alaksieja Aŭramienku nie «pamierłym», a «zahinułym», Łukašenka faktyčna paćvierdziŭ, što śmierć zusim maładoha pavodle ŭzrostu ministra adbyłasia nie z naturalnych pryčyn.
Pavodle infarmacyi «Našaj Nivy», atrymanaj ź dźviuch krynic, 46-hadovy ministr transpartu i kamunikacyj Alaksiej Aŭramienka skončyŭ žyćcio samahubstvam. Adbyłosia heta ŭ haražy lecišča, jaho znajšli svajaki.
Na zimu zapłanavanyja masavyja zatrymańni, składzienyja «pieršy i druhi śpisy»29
Kamientary
Vot i otviet na vopros. Ministra ubili łukašisty v śviazi s popytkoj pieriemieŝienija JAO.