Мінабароны рыхтуецца прыняць на беларускіх палігонах расійскія падраздзяленні і вагнераўцаў
Беларусь рыхтуецца прыняць новыя расійскія падраздзяленні для правядзення «баявога зладжвання і падрыхтоўкі» ў рамках рэгіянальнай групоўкі войскаў, як паведаміла Мінабароны.
«На палігонах Беларусі завяршаецца падрыхтоўка, а таксама правядзенне баявога зладжвання чарговых падраздзяленняў Узброеных сіл Расійскай Федэрацыі са складу РГВ. Цяпер палігоны Узброеных сіл краіны рыхтуюцца прыняць чарговую змену для правядзення мерапрыемстваў сумеснай падрыхтоўкі вайскоўцаў Беларусі і Расіі», — гаворыцца ў паведамленні.
Мінабароны паведамляе, што папярэдняя планавая ратацыя расійскіх падраздзяленняў праводзілася больш за месяц таму і паспяхова завершаная.
Там таксама заявілі, што ў выпадку прыбыцця ПВК «Вагнер», яе байцы будуць размешчаныя на палігонах.
«Акрамя таго, пасля прыбыцця прадстаўнікоў ПВК «Вагнер» і іх размяшчэння на палігонах для правядзення заняткаў і ўзаемнага абмену досведам асаблівую ўвагу плануецца ўдзяліць прыёмам і спосабам вядзення баявых дзеянняў Узброенымі сіламі Рэспублікі Беларусь», — дадалі ў міністэрстве.
На мінулым тыдні Мінабароны прывезла замежных журналістаў на палігон пад Асіповічамі, каб паказаць, што вагнераўцаў там няма, а выкарыстоўваць лагер будуць нібыта для тэрабароны.
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская5
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары