Беларусу, якому пагражае параліч пасля збіцця сілавікамі ў 2020-м, сабралі ўжо 85 працэнтаў ад сумы
Гісторыя жыхара Стоўбцаў Віталя Тысева, які мусіў праз палітычны пераслед пакінуць радзіму і цяпер жыве ў Польшчы з цяжкай хваробай, у сакавіку не пакінула абыякавымі многіх беларусаў. Віталю тады хутка сабралі на аперацыю амаль 20 тысяч еўра, аднак польская клініка ў апошні момант адмовілася яе рабіць.
У жніўні 2020-га Віталя затрымалі падчас пратэстаў і жорстка збілі. У яго пачаў развівацца агрэсіўны анкілазіруючы спандыліт (аўтаімунная хвароба злучальнай тканкі), зрасліся суставы пазваночніка і іншыя суставы. Напярэдадні паўторнага затрымання ён паспеў з'ехаць у Польшчу.
Цяпер для мужчыны знайшлі нямецкую клініку, але аперацыя там каштуе куды больш — 55 100 еўра.
Калі ў найбліжэйшыя тыдні Віталю не зробяць аперацыю, яго можа паралізаваць.
Ужо сабрана 85 працэнтаў ад сумы. Свае грошы ахвяравалі 1250 чалавек.
Дапамагчы мужчыну можна па гэтай спасылцы, там жа ўся яго гісторыя.
Курэйчык патлумачыў, у чым галоўная перавага Каардынацыйнай рады новага склікання над старым складам3
Каментары