Гродзенец у адным і тым жа гаражы фарбаваў машыны і вырошчваў марыхуану
У Гродне затрымалі мясцовага жыхара, які вырошчваў у гаражы наркатычныя расліны, паведамілі ва УУС Гродзенскага аблвыканкама.
Пэўны час таму 41-гадовы жыхар Гродна арандаваў гараж, дзе займаўся фарбаваннем аўтамабіляў. А заднюю частку гэтага памяшкання ён закрыў ад чужых вачэй і падрыхтаваў там месца для вырошчвання наркатычных раслін.
Мужчына збудаваў боксы, правёў у памяшканне вентыляцыю, усталяваў клімат-кантроль і набыў у наркамаркеце насенне марыхуаны. Пасадзіўшы расліну, ён даглядаў яе і збіраў ураджай.
Нейкім чынам пра гэта стала вядома аператыўнікам наркакантролю УУС, і мужчына быў затрыманы. У яго гаражы выяўлена некалькі гаршкоў марыхуаны і 13 грамаў гатовай прадукцыі.
Было ўстаноўлена, што падазраваны займаўся гэтай дзейнасцю з сакавіка бягучага года. Паводле яго слоў, наркотык мужчына вырошчваў для асабістага выкарыстання.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары
Бо мянты трымаюць нарка-крамы у даркнэце і стрыгуць з дурачкоў і грошы і “справы”