Пажылы аўтамабіліст на «Рэно» не даў рады кіраванню і паляцеў у кювет. Аварыя адбылася ўвечары 13 ліпеня недалёка ад Ашмянаў, як паведамілі ў ДАІ Гродзеншчыны.
Фота: ДАІ
«64-гадовы кіроўца рухаўся з боку вёскі Баруны ў напрамку райцэнтра. На закругленні дарогі ён зачапіў абочыну, пасля чаго страціў кіраванне і з'ехаў у левы кювет, дзе перакуліўся», — гаворыцца ў паведамленні ДАІ.
У выніку ДТЗ пенсіянер вылецеў з салона і загінуў. Цяпер высвятляецца, ці быў ён прышпілены рамянямі бяспекі.
Каментары