Кіраўнік Мінгарвыканама Уладзімір Кухараў праінспектаваў будаўніцтва трэцяй лініі метрапалітэна. Будаўнічая гатоўнасць станцыі «Аэрадромная» складае 87%.
Для завяршэння работ неабходна выканаць аздабленне вестыбюляў, платформаў і ўваходных зон, а таксама ўсталяваць абсталяванне і правесці пусканаладачныя работы. Кухараў даручыў усё падрыхтаваць да студзеня 2024 года, як паведамляе тэлеграм-канал Мінгарвыканкама.
Акрамя таго, пускавы комплекс уключае ў сябе станцыю «Немаршанскі сад», гатоўнасць якой складае 74%. У найбліжэйшы час плануецца завяршыць аздабленне і паставіць абсталяванне на станцыйным комплексе.
А вось станцыя «Слуцкі гасцінец» пакуль гатовая на 52%.
Электрадэпо «Слуцкае» складаецца з сямі будынкаў, будаўніцтва якіх завершана. Цяпер вядуцца работы па ўнутраным аздабленні.
Каментары