Акрамя храма, пашкоджаныя Дом вучоных і жылыя дамы.
Украінская служба надзвычайных сітуацый паведаміла, што ў выніку пятай за тыдзень ракетнай атакі на Адэсу моцна пашкоджаны найвялікшы праваслаўны храм у горадзе — Спаса-Праабражэнскі сабор, размешчаны ў цэнтры горада.
Аўтары відэа эмацыйна кажуць, што храма «больш няма».
Арыгінальная царква была знішчаная ў 1936 годзе камуністамі, пасля адноўленая ў нулявыя.
Як паведамляе «Суспільне», як мінімум адзін чалавек загінуў, 22 былі параненыя.
Адэса, порт на Чорным моры, была адной з галоўных мэтаў расійскай агрэсіі, аднак у 2022 годзе расіяне не здолелі яе захапіць. Інтэнсіўнасць цяперашніх удараў можна тлумачыць вычарпаннем боепрыпасаў ва ўкраінскай супрацьпаветранай абароны.
Расія выпусціла па Адэскай вобласці 19 ракет: пяць крылатых «Онікс», тры ракеты Х-22, чатыры «Калібры», пяць ракет «Іскандэр-К» і дзве — «Іскандэр-М», як паведамілі ў Паветраных сілах Украіны.
Збіць удалося толькі дзевяць ракет — чатыры «Калібры» і пяць «Іскандэр-К».
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары