Міністр унутраных спраў Іван Кубракоў сустрэўся з прадстаўнікамі ПВК «Вагнер», паведаміла прэс-служба ведамства.
Сустрэча, як паведамляецца, прайшла ў навучальным цэнтры ўнутраных войскаў МУС, у ёй удзельнічалі разам з Кубраковым іншыя кіраўнікі і супрацоўнікі спецпадраздзяленняў ведамства.
Кубракоў адзначыў, што з прычыны «няпростай сітуацыі ля межаў рэспублікі» трэба быць «падрыхтаванымі да адказу на магчымыя выклікі і пагрозы», і ў гэтым, маўляў, вялікае значэнне мае «практычны вопыт прадстаўнікоў ПВК», які ўжо пераймаюць ягоныя падначаленыя.
На сустрэчы, як паведамляецца, «абмяркоўваліся пытанні ўзаемадзеяння з прыватнай вайсковай кампаніяй і навучання байцоў яе інструктарамі», прытым з выкарыстаннем «некаторых відаў абсталявання».
На сумесным фота з сустрэчы прысутнічаюць камандзіры ПВК з заблюранымі тварамі, камандзір САХРа ўнутраных войскаў МУС Аляксандр Быкаў, камандзір мінскага АМАПа Дзмітрый Балаба, намеснік міністра ўнутраных спраў — камандуючы ўнутранымі войскамі Мікалай Карпянкоў, камандзір в/ч 3214 Дзмітрый Мікша, камандзір СПБТ «Алмаз» Віктар Краўцэвіч.
Чытайце таксама:
У Беларусі ўжо мінімум 3500 «вагнераўцаў» — Беларускі Гаюн
Апублікаваныя свежыя спадарожнікавыя здымкі лагера ПВК «Вагнер» пад Асіповічамі
Сахашчык: У расійскім войску мяркуюць, што Беларусь падарылі Прыгожыну
Лукашысты зрабілі дыпфэйкавую рассылку, што Ціханоўская сыходзіць. Рыхтаваліся даволі старанна5
Каментары