Сёння на Кіпры прайшоў першы матч другога кваліфікацыйнага раўнда футбольнай Лігі чэмпіёнаў. БАТЭ прайграў лімасольскаму «Арысу» з лікам 2:6.
Скрыншот відэа з радаснымі гульцамі кіпрскага клуба
Пасля першага тайма барысаўскі клуб саступаў 0:3. У другім тайме каманды абменьваліся галамі, дагналі да 2:5, а потым «Арыс» паставіў тлустую кропку з пенальці — 2:6.
Матч у адказ — праз тыдзень у Венгрыі.
Пераможца двубою згуляе ў трэцім кваліфікацыйным раўндзе Лігі чэмпіёнаў з пераможцам пары «Ракаў» (Польшча) — «Карабах» (Азербайджан).
Каманда, што прайграе (а гэта з вельмі вялікай доляй імавернасці будзе БАТЭ), у трэцім кваліфікацыйным раўндзе Лігі Еўропы згуляе з нешчасліўцам пары «Шэрыф» (Ціраспаль) — «Макабі» (Хайфа). Сёння «Шэрыф» перамог «Макабі» з лікам 1:0.
Цяпер чытаюць
Новы старшыня Канстытуцыйнага суда адправіў сына вучыцца на разведчыка ў акадэмію ГРУ. А як пачалася вайна, хутчэй забраў з Расіі20
Каментары