Расіі неабходна аднавіць удзел у збожжавай угодзе, у рамках якой украінскае збожжа магло б зноў бяспечна экспартавацца на сусветныя рынкі. Пра гэта заявіў Папа Францішак падчас свайго казання на плошчы Святога Пятра ў Ватыкане, паведамляе РБК.
![](http://nnexpictures.fra1.digitaloceanspaces.com/img/w732d4webp1/photos/z_2023_07/pope_francis_ap230730-rj7yn.jpg.webp)
Папа Францішак. 30 ліпеня 2023 года. Фота: Gregorio Borgia / AP
«Я звяртаюся да маіх братоў, уладаў Расійскай Федэрацыі, каб чарнаморская ініцыятыва магла быць адноўленая і збожжа магло быць бяспечна транспартаванае», — сказаў пантыфік сёння.
Папа Францішак неаднаразова выказваў гатоўнасць стаць пасярэднікам у канфлікце Масквы і Кіева. Ён, напрыклад, выказаў жаданне сустрэцца з патрыярхам РПЦ Кірылам у маскоўскім аэрапорце падчас дазапраўкі ў часе візіту ў Манголію.
Каментары