Дэфіцыт знешняга гандлю таварамі за паўгоддзе дасягнуў 1,6 мільярда даляраў
На столькі імпарт перавысіў экспарт. У 2022 годзе знешні гандаль таварамі быў прафіцытным. Экспарт перавышаў імпарт на 124,7 млн даляраў, звяртае ўвагу Reform.by.
Фота: «Наша Ніва»
Пастаўкі беларускіх тавараў за мяжу ў студзені-чэрвені выраслі на 12,4% да 19,4 млрд даляраў, а імпарт павялічылася на 22,6% да 21,01 млрд даляраў.
Беларускі экспарт у краіны СНД павялічыўся за паўгода на 23,4% да 13,54 млрд даляраў, а імпарт з гэтага рэгіёна ўпаў на 1,9% да 11,21 млрд даляраў. Прафіцыт гандлю з краінамі СНД склаў 2,33 млрд даляраў.
Пастаўкі беларускіх тавараў за межы СНД у першым паўгоддзі скараціліся на 6,9% да 5,86 млрд даляраў, а імпарт з гэтых краін падскочыў на 71,5% да 9,8 млрд даляраў. Дэфіцыт гандлю з краінамі па-за СНД склаў 3,94 млрд даляраў.
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было7
Каментары