У Пентагоне пракаментавалі інцыдэнт з беларускімі верталётамі, што заляцелі на тэрыторыю Польшчы
«Мы будзем і далей працаваць, каб кожны квадратны сантыметр НАТА заставаўся ў бяспецы», — заявіў афіцыйны прадстаўнік Пентагона Патрык Райдэр.
Каментуючы інцыдэнт з беларускімі верталётамі, афіцыйны прадстаўнік Пентагона Патрык Райдэр падкрэсліў, што ЗША нязменна адданыя абароне бяспекі краін НАТА, піша «Еўрапейская праўда».
«Мы і надалей будзем вельмі сур'ёзна ставіцца да бяспекі НАТА і будзем працягваць працаваць разам з нашымі саюзнікамі ў НАТА над тым, каб кожны квадратны сантыметр НАТА заставаўся ў бяспецы», — адзначыў ён.
Падрабязней казаць пра інцыдэнт прадстаўнік Пентагона адмовіўся, дадаўшы, што пазіцыі сіл НАТА пасля гэтых падзей не змяніліся.
Напярэдадні вечарам Мінабароны Польшчы пацвердзіла парушэнне польскай паветранай прасторы з боку Беларусі двума верталётамі.
Спачатку афіцыйная Варшава адмаўляла факт парушэння паветранай прасторы, але пазней патлумачыла, што перасячэнне мяжы адбылося ў раёне горада Белавежа на вельмі нізкай вышыні, і гэта ўскладніла выяўленне верталётаў радыёлакацыйнымі сістэмамі.
У адказ на інцыдэнт міністр нацыянальнай абароны Польшчы Марыюш Блашчак аддаў загад аб павелічэнні колькасці вайскоўцаў на мяжы і разгортванні дадатковых сіл і сродкаў, у прыватнасці баявых верталётаў.
Беларускія верталёты заляцелі на тэрыторыю Польшчы ў той час, як Лукашэнка трэці дзень знаходзіцца побач у Віскулях — «Беларускі Гаюн»
Беларускія вайсковыя верталёты заляцелі ўглыб тэрыторыі Польшчы на 2 км, ішлі на нізкай вышыні
МЗС Польшчы лічыць інцыдэнт з верталётамі элементам эскалацыі
«Адна бабка сказала». Мінабароны здзекліва аспрэчыла парушэнне польскай мяжы беларускімі верталётамі
Цяпер чытаюць
Як склаўся лёс інтэрнацыянальных дзяцей, якіх выхоўвалі ў Жодзіне ў першым у Беларусі дзіцячым доме сямейнага тыпу?5
Каментары