Смеццевы палігон «Трасцянецкі», адзіны дзейны цяпер у сталіцы, ужо запоўнены на 95 %. Таму чыноўнікам даводзіцца думаць пра тое, як з вывазам і перапрацоўкай мінскага смецця будзе далей, піша агенцтва «Мінск-Навіны».
Старшыня Мінскага гарадскога камітэта прыродных рэсурсаў і аховы навакольнага асяроддзя Валянцін Шатраўка ў эфіры «Радыё-Мінск» расказаў:
«Вядзецца праектаванне трэцяй чаргі палігона. Адзін з элементаў гэтага праекта — будаўніцтва смеццесартавальнага завода, з дапамогай якога атрымаецца знізіць аб'ёмы пахавання адкідаў.
Калі сёння сартаванню на спецыялізаваных лініях падлягае 100 тыс. тон смецця ў год, пры тым, што ў горадзе штогод утвараецца 800 тыс. тон адкідаў, то новы завод будзе сартаваць 600 тыс. тон.
Мяркуецца, што пасля запуску завода з 800 тыс. тон адкідаў, якія трэба будзе закопваць, будзе толькі 300 тыс. тон. Гэта смецце, якое не можа быць паўторна выкарыстана.
Астатняе будзе выкарыстоўвацца альбо як другасная сыравіна для вырабу прадукцыі, альбо ў якасці РДФ-паліва, альбо для кампаставання і г. д.»
Цяпер чытаюць
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі39
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары