Śmiećcievy palihon «Traścianiecki», adziny dziejny ciapier u stalicy, užo zapoŭnieny na 95 %. Tamu čynoŭnikam davodzicca dumać pra toje, jak z vyvazam i pierapracoŭkaj minskaha śmiećcia budzie dalej, piša ahienctva «Minsk-Naviny».
Staršynia Minskaha haradskoha kamiteta pryrodnych resursaŭ i achovy navakolnaha asiarodździa Valancin Šatraŭka ŭ efiry «Radyjo-Minsk» raskazaŭ:
«Viadziecca prajektavańnie treciaj čarhi palihona. Adzin z elemientaŭ hetaha prajekta — budaŭnictva śmiećciesartavalnaha zavoda, z dapamohaj jakoha atrymajecca źnizić abjomy pachavańnia adkidaŭ.
Kali siońnia sartavańniu na śpiecyjalizavanych linijach padlahaje 100 tys. ton śmiećcia ŭ hod, pry tym, što ŭ horadzie štohod utvarajecca 800 tys. ton adkidaŭ, to novy zavod budzie sartavać 600 tys. ton.
Miarkujecca, što paśla zapusku zavoda z 800 tys. ton adkidaŭ, jakija treba budzie zakopvać, budzie tolki 300 tys. ton. Heta śmiećcie, jakoje nie moža być paŭtorna vykarystana.
Astatniaje budzie vykarystoŭvacca albo jak druhasnaja syravina dla vyrabu pradukcyi, albo ŭ jakaści RDF-paliva, albo dla kampastavańnia i h. d.»
Aŭhustoŭski kanał na biełaruskim baku abmialeŭ. Biełarusy vinavaciać palakaŭ, a palaki biełarusaŭ
Błohier Lonia Paškoŭski pravioŭ 24 hadziny ŭ mietro Ńju-Jorka
U Hancavičach farbujuć tui. Novy art-abjekt da «Dažynak»?
Zamiest pryhožych murałaŭ — «patryjatyčnyja». Jak źmianiajecca abličča haradoŭ Biełarusi
Kamientary