На 65-м годзе жыцця раптоўна памёр кандыдат педагагічных навук, колішні дэкан факультэта культуралогіі і сацыякультурнай дзейнасці Беларускага дзяржаўнага ўніверсітэта культуры і мастацтваў Мікалай Каралёў.
Практычна ўсё жыццё Мікалая Каралёва было звязана з Беларускім дзяржаўным універсітэтам культуры і мастацтва. Сам скончыўшы тады яшчэ Інстытут культуры ў 1984 годзе, ён пасля ў ім усё жыццё і працаваў.
З 1993 да 2004 года ён кіраваў кафедрай менеджменту сацыяльна-культурнай дзейнасці, пасля быў дэканам факультэта культуралогіі і сацыякультурнай дзейнасці, прафесарам кафедры міжкультурных камунікацый БДУКМ.
З ініцыятывы Мікалая Каралёва ў БДУКМ былі адкрытыя спецыяльнасць «Сацыяльна-культурная дзейнасць», спецыялізацыі «Менеджмент сацыяльнай і культурнай сферы», «Менеджмент міжнародных культурных сувязяў» і практыка-арыентаваная магістратура «Арт-менеджмент».
Таксама яго стараннямі і пры ягонай падтрымцы былі рэалізаваныя шэраг сумесных культурна-адукацыйных праектаў для студэнтаў універсітэта, створаны клуб ЮНЕСКА «Арт-кантакт».
На працягу многіх гадоў Каралёў быў сябрам праўлення і намеснікам старшыні Рэспубліканскага грамадскага аб'яднання «Беларуская асацыяцыя клубаў ЮНЕСКА».
У 2018 годзе Мікалай Каралёў быў узнагароджаны нагрудным знакам Міністэрства культуры «За ўклад у развіццё культуры Беларусі».
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская2
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары