Прыёрбанк паведаміў кліентам, што перагледзеў камісіі за абслугоўванне рахункаў у далярах, еўра, польскіх злотых, брытанскіх фунтах стэрлінгаў, швейцарскіх франках і шведскіх кронах. Інфармацыя пра гэта размешчана на сайце банка.
Абслугоўванне такіх рахункаў падаражэе з 1 верасня.
Штомесячная плата за абслугоўванне дыферэнцыяваная:
- для рахункаў з рэшткамі ад 50 тыс. даляраў да 100 тыс. даляраў у эквіваленце камісія складзе 750 рублёў;
- ад 100 тыс. да 200 тыс. даляраў — 1500 рублёў;
- ад 200 тыс. да 300 тыс. даляраў — 2500 рублёў;
- ад 300 тыс. да 500 тыс. даляраў — 4500 рублёў;
- ад 500 тыс. да 1 млн даляраў — 9000 рублёў.
Камісія для даляравых мільянераў складзе 12 000 рублёў.
Банк удакладняе, што ўтрымлівае камісію з любога рахунку кліента, адкрытага ў банку.
З 1 чэрвеня Прыёрбанк увёў плату за абслугоўванне бягучых рахункаў фізічных асоб з рэшткамі ў 50 тыс. даляраў або еўра ў памеры 750 беларускіх рублёў.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары