«І гэта добра, бо беларусы гэтага не зразумеюць», — расказаў адзін з кінематаграфістаў.
Першая серыя праекта «Акрэсціна», які здымаў Андрэй Курэйчык, не будзе даступная беларускаму гледачу. Пра гэта распавёў адзін са стваральнікаў фільма, які пажадаў застацца ананімным, падчас дыскусіі на з'ездзе беларускіх кінематаграфістаў у Варшаве, паведамляе тэлеграм-канал «Свяшчэнны Белавуд».
«І гэта добра, бо беларусы гэтага не зразумеюць. Мы яе паказвалі замежнікам: літоўцам, французам, венграм. Ім наша гісторыя пра 2020 года цікавая, замежны глядач будзе яе глядзець», — падкрэсліў суразмоўца.
Пры гэтым высветлілася, што праект не зняты, бо здымкі адбываліся зімой 2022 года. «І потым з'явіліся этычныя калізіі. У тым выглядзе, у якім ён цяпер ёсць, яго лепей не глядзець», — дадаў кінематаграфіст.
У чэрвені Андрэй Курэйчык, які сёння часова жыве і выкладае ў ЗША, распавёў у размове «Еўрарадыё», што не ведае, што адбываецца з яго праектам.
Серыял «Акрэсціна» пачалі здымаць у Літве ў пачатку мінулага года — і ён адразу трапіў у скандал, калі гледачы абурыліся сцэнамі расстрэлу людзей у турме. Сам стваральнік потым тлумачыў, што гэта быў сон аднаго з герояў.
Усе працоўныя матэрыялы па «Акрэсціна» цяпер знаходзяцца ў літоўска-беларускага выдання «Маланка», якое займалася інфапрамоцыяй серыяла.
«Наступную серыю я б рабіў пра Бяляцкага». Што чуваць пра серыял «Акрэсціна»?
Літоўскі рэжысёр паставіў з рэпрэсаванымі гарадзенцамі спектаклі пра Курапаты і Марыупаль і зняўся ў серыяле пра Акрэсціна — пагутарылі з ім
«І пра Асвенцім трэба было здымаць, калі там гарэлі печы». Інтэрв'ю з Андрэем Курэйчыкам пра нашумелы серыял
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала11
Каментары