27 жніўня Святлана Ціханоўская разам з міністрам замежных спраў Аўстрыі Аляксандрам Шаленбергам выступіць на Еўрапейскім форуме ў Альпбаху (Аўстрыя), паведамляе прэс-служба палітыка.
28 жніўня зранку Ціханоўская бярэ ўдзел у панэльнай дыскусіі, прысвечанай рэгіянальнай бяспецы і будучыні Усходняга партнёрства. Ціханоўская будзе ўздымаць пытанні палітвязняў, прыцягнення памагатых рэжыму да адказнасці, дапамогі беларускім рэлакантам і ўключэння дэмакратычнай Беларусі ў еўрапейскія структуры і праграмы.
Еўрапейскі форум у Альпбаху быў заснаваны пасля Другой сусветнай вайны як пляцоўка для абмеркавання шляхоў барацьбы з нацызмам і камунізмам, дзеля ўсталявання дэмакратыі і міру ў Еўропе.
28-29 жніўня Ціханоўская бярэ ўдзел у міжнародным форуме ў Бледзе ( Славенія), дзе паўдзельнічае ў дыскусіі пра будучыню Усходняга партнёрства разам з прадстаўнікамі Грузіі, Арменіі, Азербайджана. Ціханоўская агучыць бачанне развіцця адносінаў паміж Беларуссю і ЕС, прэзентуе пазіцыю дэмакратычных сіл аб еўрапейскім выбары (прынятую 6 жніўня ў Варшаве) і праект беларускага пашпарта.
Запланаваны перамовы з прэзідэнткай Славеніі, прэм’ерам Балгарыі, міністаркай замежных спраў Канады, міністрам замежных спраў Паўночнай Македоніі, якая старшынюе ў АБСЕ.
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек44
Каментары