У мінскіх школах з наступнага года падумваюць увесці адзіную форму — з дзяржаўнай сімволікай
Да тэмы адзінай формы для школьнікаў чыноўнікі звяртаюцца не першы раз.
«Як паказваюць размовы з бацькамі, не ўсіх радуе такая разнастайнасць мадэляў дзелавога адзення, якія сёння можна пабачыць. Некаторыя кажуць пра тое (і апошнім часам іх большасць), што трэба звузіць гэты набор і вярнуцца да паняцця школьная форма», — расказала першая намесніца старшыні камітэта адукацыі Мінгарвыканкама Людміла Барысенка «Мінск-Навінам».
Пасля адной з нарад вырашылі запусціць для Мінска пілотны праект да новага навучальнага года 2024/2025. Стварыць працоўную групу, куды ўключыць дырэктараў школ, педагогаў, дзяцей, бацькоў, прадстаўнікоў Беллегпрама. І да наступнага года запусціць у продаж 5-10 мадэляў формы для хлопчыкаў і дзяўчатак.
«З ранніх гадоў павінны ўсведамляць прыналежнасць да дзяржавы, і элементы дзяржаўнай сімволікі, напэўна, павінны быць», — дадала чыноўніца.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава15
Каментары