«Калі чалавек такім цікавіцца». ГУБАЗіК прызнаў, што беларусы не парушаюць закона, падпісваючыся на «экстрэмісцкія» каналы, але патлумачыў, чаму карае за гэта
ГУБАЗіК у ютубе расказаў, чаму ўлады караюць за падпіскі на так званыя «экстрэмісцкія» каналы, хоць законам гэта не прадугледжана, і чаму саджаюць людзей за данаты арганізацыям, якія на момант пералічэння сродкаў нават не былі прызнаныя «экстрэмісцкімі».
Вядучая канала ГУБАЗіКа распавяла, што адно з самых папулярных пытанняў да сілавікоў, ці прадугледжана адказнасць за падпіску на тэлеграм-каналы, якія былі прызнаныя «экстрэмісцкімі»?
— Ну як вам сказаць? — кансультуе вядучая канала. — Фармальна адказнасць прадугледжаная толькі за распаўсюд, гэта значыць перасылку матэрыялаў іншым асобам. Але мы цудоўна разумеем, што калі чалавек такім цікавіцца, значыць у яго знойдуцца і іншыя парушэнні. Фармальная адсутнасць саставу [злачынства] — гэта не нагода ігнараваць парушальніка.
То-бок, паводле прапагандысткі, састаў правапарушэння адсутнічае, а парушальнік і пакаранне ёсць.
Таксама яна патлумачыла логіку ўладаў, якія даюць вялікія тэрміны людзям за данаты, нават калі аб’яднанні, якім яны данацілі, не былі на той момант прызнаныя экстрэмісцкімі.
Прапагандыстка паказала гэта на прыкладзе крымінальнай справы Настассі Петрачэнкі, якая атрымала тры гады калоніі за данат палку Каліноўскага. На момант пералічэння сродкаў арганізацыя беларускіх добраахвотнікаў не была прызнаная «экстрэмісцкім фармаваннем», а сам плацеж не прайшоў. ГУБАЗіК прызнае, што гэта сапраўды так. І тлумачыць, чаму гэтым разам «часам не да законаў».
— Прызнанне фармаваннем або тэрарыстычнай арганізацыяй не азначае, што да прызнання банда не вяла тэрарыстычнай дзейнасці. Канкрэтныя экстрэмісцкія дзеянні, указаныя ў законе, ажыццяўляліся і дзейнасць вялася, а значыць і фінансаванне яе — гэта крымінальнае злачынства, і гэта не прымяненне «зваротнай сілы», — мяркуе прапагандыстка.
Якім чынам людзі могуць зразумець, што нейкую арганізацыю ў будучым прызнаюць «экстрэмісцкай», прапагандыстка не патлумачыла.
Чытайце таксама:
«Але ворага трэба бачыць». Нарада Лукашэнкі ў БДУ была злавеснай
-
Іван Прус расказаў, як нажыўся на 200 даляраў, пасяліўшы кіназорку ва ўбітай кватэры каля звалкі ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары