Вайскоўцы ў Габоне скасавалі вынікі прэзідэнцкіх выбараў. Бацька і сын Бонга кіравалі краінай доўгія 56 гадоў
Раней прэзідэнт Алі Бонга Андзімба, які займае пасаду з 2009 года, набраў на выбарах 64,27% галасоў, тым самым пераабраўшыся на трэці тэрмін.
Ваенныя Габона па тэлебачанні абвясцілі пра скасаванне вынікаў прэзідэнцкіх выбараў і роспуску ўсіх дзяржаўных інстытутаў.
Вайскоўцы з'явіліся ў эфіры тэлеканала Gabon24 пасля таго, як дзяржаўны выбарчы цэнтр абвясціў пра пераабранні дзейнага прэзідэнта краіны Алі Бонга Андзімба на трэці тэрмін. Салдаты заявілі, што яны не згодныя з вынікамі выбараў.
«Назіраючы безадказнае кіраванне краінай, якое прыводзіць да пагаршэння сацыяльнай згуртаванасці, якое рызыкуе прывесці краіну да хаосу, мы вырашылі абараніць мір, паклаўшы канец цяперашняму рэжыму», — заявіў адзін з 12 вайскоўцаў, якія былі ў кадры.
Салдаты таксама паведамілі, што межы Габона закрытыя «да далейшага паведамлення».
64-гадовы Алі Бонга Андзімба, які перамог на выбарах прэзідэнта, займае пасаду кіраўніка дзяржавы з 2009 года. Паводле афіцыйных звестак, ён набраў 64,2% галасоў. Яго галоўным супернікам быў прафесар эканомікі Альбер Онда Оса, які атрымаў 30,7% галасоў.
Пасля абвяшчэння вынікаў апазіцыя абвінаваціла пераабранага прэзідэнта ў парушэннях на выбарах.
Алі Бонга Андзімба, які займае пасаду з 2009 года, набраў на выбарах 64,27% галасоў, тым самым пераабраўшыся на трэці тэрмін.
Цікава, што перад гэтым ягоны бацька Эль-Хадж Амар Бонга Андзімба (ён меў імя Альбер-Бернар, але перайшоў у іслам) кіраваў краінай 42 гады: з 1967 да 2009 года.
Нафтавыя радовішчы і замежныя інвестыцыі дапамаглі зрабіць Габон адной з самых багатых і стабільных дзяржаў Афрыкі з 8-м па велічыні індэксам развіцця, чацвёртым па велічыні ВУП на душу насельніцтва (намінал) у чорнай Афрыцы. Аднак з-за няроўнасці ў размеркаванні даходаў значная частка насельніцтва застаецца беднай. Тэрыторыя краіны складае 267 тысяч квадратных кіламетраў (гэта больш, чым Беларусь), насельніцтва — 2,2 млн чалавек.
Цяпер чытаюць
Пасля выступлення Луганскага тэатра ў Мінску адна з глядачак выгукнула «Слава Украіне!»10
Каментары