Сакратар РНБА Украіны абвергнуў інфармацыю, што загінула 70 тысяч украінскіх вайскоўцаў
У нас няма такой вялікай арміі, каб несці такія страты, кажа Аляксей Данілаў.
Заявы заходніх медыя пра тое, што страты Узброеных сіл Украіны нібыта дасягнулі 70 тысяч забітымі, перабольшаныя і лжывыя, заявіў сакратар РНБА Аляксей Данілаў. Пра гэта ён паведаміў у інтэрв'ю нямецкаму выданню Welt.
«Тое, што тычыцца страт, гэта не адпавядае рэчаіснасці. У нас не было такога войска, каб казаць пра страты ў 70 тысяч вайскоўцаў», — сказаў сакратар Рады нацыянальнай бяспекі і абароны Украіны.
Данілаў падкрэсліў, што «людзі, якія [пра гэта] пісалі, не валодаюць інфармацыяй аб стане спраў».
Украіна не называе дакладнай колькасці сваіх вайскоўцаў. Паводле ацэнак, што грунтуюцца на інфармацыі з даступных крыніц, на канец 2022 года колькасць УСУ складала 205 тысяч чалавек, а рэзервістаў — 250 тысяч чалавек.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя6
Каментары