Верталёт сапраўды перасёк польскую мяжу, але невядома чый — Беларускі Гаюн
Гэта мог быць як польскі, так і беларускі верталёт.
Учора Памежны камітэт заявіў, што польскі верталёт Мі-24 парушыў мяжу і нібыта заляцеў на 1200 м углыб Беларусі. Далей у МЗС быў выкліканы часовы павераны ў справах Польшчы, а пазней прэс-сакратар аператыўнага камандавання Узброеных сіл Польшчы Яцэк Гарышэўскі назваў абвінавачванні ДПК «хлуслівымі» і заявіў, што гэта «правакацыя».
«Адназначна магу абвергнуць. Інфармацыя, якую публікуе беларускі бок, з'яўляецца правакацыяй і хлуслівымі абвінавачваннямі. З усіх рапартаў і запісаў радыёлакацыйных сістэм можна сцвярджаць, што з нашага боку мяжа не перасякалася», — заявіў ён.
«Беларускі Гаюн» праверыў інфармацыю. Вось што вядома:
Відэа ДПК сапраўды маглі зняць на мяжы Беларусі і Польшчы 1 верасня каля 16:00. Здымалася яно з беларускага боку з гіракоптара (аўтажыра) (EW-386BS), што ў гэты час патруляваў мяжу.
Імаверна, верталёт заўважылі наогул выпадкова, проста аўтажыр патруляваў паўднёвую, а не паўночную частку мяжы пад Гродна.
На відэа немагчыма дакладна вызначыць мадэль верталёта, не кажучы ўжо пра яго прыналежнасць.
Так, у Польшчы сапраўды ёсць рэшткі савецкіх верталётаў Мі-24 і хоць большасць ужо перададзена Украіне, мінімум адзін у жніўні быў перакінуты ў Беласток для ўзмацнення польскай мяжы. Аднак Мі-24 ёсць і ў беларусаў.
Паводле «Беларускага Гаюна», ніякіх перахопнікаў ці чагосьці такога ў паветра не ўздымалі. А гэта павінна было быць зроблена пры незаконным перасячэнні мяжы баявым верталётам. Што ж тычыцца ўчорашняй авіяактыўнасці, то яна была звязаная толькі з вучэннямі АДКБ і скончылася да 14:00.
Усяго цяпер можна вылучыць 2 версіі таго, што адбылося:
1. Польскі верталёт, хутчэй за ўсё, Мі-24 сапраўды заляцеў на тэрыторыю РБ.
2. З -за немагчымасці зразумець па фота і відэа мадэль верталёта, і яго прыналежнасць, не выключана, што мяжу перасёк не польскі, а беларускі верталёт, — на карысць гэтай версіі кажуць заявы Польшчы і адсутнасць узлёту перахопнікаў ВПС РБ.
МЗС запатрабавала ад Польшчы тлумачэнняў адносна верталёта, які нібыта заляцеў у паветраную прастору Беларусі
У Польшчы прааналізуюць інцыдэнт з парушэннем верталётам беларускай паветранай прасторы — польскае МЗС
«Правакацыя і хлуслівыя абвінавачанні». У польскім войску адмаўляюць, што іх верталёты заляталі на беларускую тэрыторыю
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі14
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары