Музыканту, які праспяваў адзін з хітоў «Шрэка», засталося жыць сем дзён
Сур'ёзная хвароба прыгаварыла лідара рок-гурта Smash Mouth да смерці.
Франтмену і аднаму з заснавальнікаў амерыканскага гурта Smash Mouth Стыву Харвэлу засталося жыць усяго некалькі дзён. Усяму віной сур'ёзнае захворванне ў музыкі, піша выданне Entertainment Weekly.
Паводле інфармацыі выдання, 56-гадовы артыст знаходзіцца на апошняй стадыі хваробы, звязанай з пячоначнай недастатковасцю. Праз захворванне Харвэлу засталося жыць «тыдзень або каля таго».
Крыху раней рокера выпісалі з бальніцы, цяпер ён знаходзіцца дома сярод блізкіх і сяброў, якія плануюць развітацца з ім цягам найбліжэйшых трох дзён.
Дзесяць гадоў таму Харвэлу дыягнаставалі кардыяміяпатыю — захворванне, пры якім сэрца не спраўляецца з перапампоўваннем крыві. З-за хваробы ў музыканта развілася сардэчная недастатковасць, а таксама энцэфалапатыя Верніке, якая негатыўна адбілася на яго памяці і маўленні.
Акрамя таго, артыст доўгі час змагаўся з алкагольнай залежнасцю. У 2021 годзе Харвэл пакінуў групу Smash Mouth. Гэта адбылося пасля канцэрта ў Нью-Ёрку, на якім выканаўца не змог выразна выказацца на сцэне і абмацюкаў гледачоў. Імаверна, такія паводзіны былі звязаныя з чарговым прыступам праз праблемы са здароўем.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі4
Каментары
Энцефалопатия Вернике это состояние вызванное длительным алкоголизмом, и печеночная недостаточность вызванная циррозом печени тоже.
Если бы не алкоголизм, ему бы пересадили печень от донора, и он бы жил еще.