Вользе Карач адмовілі ў кампенсацыі маральнай шкоды за нясвоечасовую адмову ў прытулку
Тэрміны разгляду просьбы Вольгі Карач аб прадастаўленні прытулку ў Літве былі парушаныя. Такое рашэнне па скарзе Вольгі Карач прыняў Віленскі акруговы адміністрацыйны суд, піша ТАСС.
«Разгляд заявы ў Дэпартаменце міграцыі зацягнуўся амаль на год. Гэта з'яўляецца парушэннем закона, які абавязвае вынесці рашэнне на працягу шасці месяцаў», — гаворыцца ў паведамленні судовай інстанцыі.
Суд, аднак, адмовіўся прысудзіць Карач, як яна таго прасіла, €5 тыс. за маральную шкоду, не знайшоўшы для гэтага дастатковых падстаў. Дэпартамент міграцыі абавязалі толькі да выплаты €400 судовых выдаткаў.
Карач знаходзіцца ў Літве ўжо дзевяць гадоў. Дэпартамент дзяржбяспекі сцвярджаў у жніўні, што актывістка супрацоўнічала са спецслужбамі Расіі. Сама яна факт такога супрацоўніцтва адмаўляе.
Дзяржбяспека палічыла, што прысутнасць у Літве можа пагражаць інтарэсам нацбяспекі.
Такія асобы высылаюцца з краіны, але хоць актывістцы было адмоўлена ў прытулку, па гуманітарных меркаваннях ёй выдалі новы часовы від на жыхарства.
Вольга Карач склікала прэс-канферэнцыю — параўнала сябе з Меркель, Бяляцкім і заявіла, што беларускі рэжым хацеў яе забіць
Пазняк заступіўся за Карач і выклаў відэа «ператрусу ў Калегавай». Тая запратэставала
Ціханоўская пракаментавала сітуацыю з Карач у Літве
Дэпартамент дзяржбяспекі Літвы лічыць, што Вольга Карач супрацоўнічала з расійскай разведкай — СМІ
Цяпер чытаюць
28‑гадовую ўкраінку з Марыупаля асудзілі ў Мінску за палітыку. Чаму яна апынулася ў Беларусі, няясна1
Каментары