«На генплане ёсць, а насамрэч — няма». Жыхары катэджнага пасёлка ў Мазыры паскардзіліся губернатару, што 10 год у іх няма ні дарогі, ні каналізацыі
Уладальнікі ўчасткаў індывідуальнай жыллёвай забудовы раёна Дразды на Мазыршчыне звярнуліся да старшыні Гомельскага аблвыканкама Івана Крупко з просьбай паскорыць правядзенне патрэбных камунікацый да іх дамоў.
Электразабеспячэнне, газ да хат правялі, вадаправод — часткова, а вось цэнтралізаванай каналізацыі, нягледзячы на яе наяўнасць у генплане забудовы, так і не пабудавалі. Патрэбны і дарогі, хаця б жвіровыя, бо нават аварыйныя службы праехаць да дамоў не могуць, скардзіліся мазырчукі, якія прыйшлі з гэтым пытаннем на прыём, піша «Гомельская праўда».
— Мы ўжо даўно пабудаваліся, у некаторых нават дзеці паспелі вырасці, але за дзесяць гадоў дадзеныя нам абяцанні ўсё яшчэ не выкананы, — наракалі забудоўшчыкі.
Старшыня Мазырскага райвыканкама Алена Паўлечка запэўніла, што ў лістападзе каналізацыю падключаць у трэцяй чарзе забудовы, у наступным годзе — у чацвёртай. Грунтавая дарога павінна зʼявіцца ў раёне індывідуальнай жыллёвай забудовы не пазней за канец гэтага года, — вынес прысуд Іван Крупко.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары