Пашпартны кантроль і чэргі па начах. Як выглядае пераход беларуска-расійскай мяжы
Чэргі на межах ЕС і РБ — звыклая справа. Часам, каб трапіць з Беларусі ў Еўропу, трэба прастаяць у чарзе больш за суткі. На мяжы з Расіяй такіх праблем няма, але ўсё адно бывае, што на праезд мяжы траціш некалькі гадзін.
Кантроль толькі з боку РФ
Памежны кантроль на ўездзе з Расіі ў Беларусь з беларускага боку скасавалі яшчэ ў сярэдзіне ліпеня. Але расійскія пагранічнікі на мяжы засталіся, а разам з імі і пашпартны кантроль.
Самым загружаным пераходам з'яўляецца Рэдзькі — Красная Горка, што на трасе М1.
«Чэргі там звычайна назіраюцца ў вечаровыя і начныя гадзіны. Пад ранак яны, як правіла, рассмоктваюцца», — кажа чалавек, які часта перасякае мяжу.
У ноч з 10 на 11 верасня аўтамабілісты ў чарзе з РФ у РБ праводзілі да 3 гадзін. Некаторыя карыстальнікі адмысловага чата пішуць, што калі на М1 збіраецца вялікі затор, то лепей ехаць не праз Красную Горку, а праз Ляды.
Агулам праезд праз Ляды займае на гадзіну больш часу, чым праз Рэдзькі, але карыстальнікі чату адзначаюць, гэта выгадней, чым дзве-тры гадзіны прастаяць у заторы на М1.
Пры гэтым у дзённыя гадзіны затораў на мяжы з РФ звычайна няма, таму на праезд дзяржаўнай мяжы людзі трацяць усяго некалькі хвілін.
Апошнім часам расійскія пагранічнікі правяраюць толькі дакументы. Часцяком нават не просяць адчыніць багажнік.
А вось у вячэрнія гадзіны на М1 без чэргаў з легкавікоў не абыходзіцца. Пераезд мяжы 8 верасня каля 22 гадзін заняў у падарожнікаў 30 хвілін.
Пры гэтым, як кажуць людзі, якія ездзяць праз мяжу даволі часта, чэргі ў асноўным збіраюцца на ўезд у Расію. У адваротным кірунку заторы ўтвараюцца радзей.
Чытайце таксама:
Закрыцця граніц пакуль не будзе, канфрантацыя спала. Спыталі ў экспертаў, ці можна гаварыць пра пачатак адлігі паміж Мінскам і ЕС
«Адстаю за вас». За колькі прадаюць месца ў чарзе на мяжы з Літвой і Польшчай
Як змянілася сітуацыя на мяжы пасля закрыцця Літвой двух пунктаў пропуску
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося33
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары