У Мексіцы ўфолаг паказаў целы «прышэльцаў», якім можа быць 1000 гадоў
Джэймі Маўсан прадставіў дзве муміі. Яны, паводле слоў мужчыны, з'яўляюцца парэшткамі іншапланецян, якія загінулі на Зямлі. У скрынях ляжалі неапазнаныя целы незвычайнага выгляду.
Пад прысягай уфолаг заявіў, што прадстаўленыя ўзоры былі даследаваныя ў Мексіканскім універсітэце, дзе іх узрост вызначылі з дапамогай радыевугляроднага аналізу. Вынікі паказалі, што ўзрост парэштак большы за тысячу гадоў.
Свае доказы Маўсан прадэманстраваў у рамках публічных слуханняў у Палаце дэпутатаў у Мексіцы. Так энтузіясты намагаюцца закласці асновы заканадаўства адносна неапазнаных анамальных з'яў.
Тэмай НЛА журналіст і ўфолаг Джэймі Маўсан займаецца ўжо даўно. У 2017 годзе ён удзельнічаў у аналізе пяці мумій, якіх знайшлі ў Перу. Там выявілі парэшткі істоты з падоўжаным чэрапам і трыма пальцамі на ўсіх канечнасцях.
Уфолаг тады выступіў у падтрымку версіі, што мумія мае пазазямное паходжанне. Але далейшыя даследаванні паказалі, што труп належыць чалавечаму дзіцяці.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары