Стала вядома, як Домрачава і Б'ёрндален назвалі сваю другую дачку
17 ліпеня славутая беларуская біятланістка паведаміла ў інстаграме, што ў іх з нарвежскай біятлоннай зоркай Оле-Эйнарам Б'ёрндаленам нарадзілася другая дачка. Роды праходзілі ў Мінску, куды Дар'я з мужам прыехалі ў адпачынак. Цяпер жа выданне НВ даведалася, як дзяўчынку назвалі.
Адразу пасля нараджэння другой дачкі Б'ёрндален расказваў, што імя дзяўчынцы яшчэ не выбралі, адзначыўшы, што ёсць мноства варыянтаў.
На якім варыянце спыніліся, два месяцы пасля нараджэння дачкі Домрачава і Б'ёрндален нікому не паведамлялі.
Але цяпер са слоў маці біятланісткі Ларысы Домрачавай стала вядома, што дзяўчынку назвалі Мірай.
«Не ведаю, як Даша і Оле-Эйнар выбіралі імя, але спыніліся менавіта на гэтым. Па-мойму, вельмі прыгожае…», — сказала Ларыса Домрачава.
Дарэчы, гэтак жа сама назвала сваю дачку, народжаную ў мінулым годзе, іншая беларуская біятланістка — Ганна Сола.
Дар'я Домрачава ж з мужам, па словах яе сваякоў, да гэтага часу знаходзяцца ў Мінску і ўвесь асноўны час прысвячаюць сям'і. Акрамя нованароджанай Міры, у пары ёсць яшчэ 7-гадовая дачка Ксенія.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары