Грамадства2929

«Слава Украіне!» Гэтыя словы завадчан падчас застолля назвалі «нацысцкімі». Раней іх жорстка затрымалі

Мазырскія прапагандысты знялі сюжэт аб затрыманні працаўнікоў Мазырскага нафтаперапрацоўчага завода. Словы ў падтрымку Украіны, знойдзеныя на тэлефоне аднаго з работнікаў, прапагандысты назвалі «нацысцкімі выказваннямі правага толку», паведамляе «Флагшток».

Скрыншот з сюжэта дзяржаўнага тэлеканала «Мозырь»

У сюжэце бачна, як сілавікі жорстка затрымліваюць працаўнікоў МНПЗ. Калі гэта адбылося, не паведамляецца. Афіцыйная падстава для затрымання — распаўсюд «экстрэмісцкіх матэрыялаў».

Далей у сюжэце паведамляецца, што ў аднаго з працаўнікоў на тэлефоне знайшлі відэа застолля, на якім простыя работнікі выказваюцца ў падтрымку Украіны:

— Слава Украіне! Беларусы за родную брацкую Украіну.

— Героям Слава! Слава Украіне!

Прапагандыстка за кадрам паведаміла, што гэтыя словы быццам бы нацысцкія. На відэа ў гэты момант была паказаная кінахроніка з беларускім нацыянальным сцягам. Таксама ў сюжэце ўказваецца на тое, што лозунг «Слава Украіне!» гучаў на Майдане ў 2013—2014 гадах ад украінскіх нацыяналістаў з Правага сектару. 

Прапагандысцкі ролік сканчаецца пагрозамі крымінальнага пераследу ў дачыненні да працаўнікоў Мазырскага НПЗ:

«Дзеянні гэтых хлопцаў… яны могуць утрымліваць склад дзеяння крымінальнага пакарання, прадугледжанага як артыкулам 130 «распальванне расавай міжнацыянальнай ці любой сацыяльнай розні», так і артыкулам 130.1 — гэта «рэабілітацыя нацызму»», — дэкларуе намеснік начальніка Мазырскага раённага аддзела Следчага камітэта Аляксандр Варабей.

Напрыканцы сюжэту паказана міліцэйскае відэа з працаўнікамі. Падобныя відэа, як правіла, здымаюцца сілавікамі пад прымусам і пагрозамі. У ім рабочыя тлумачаць, што падчас застолля 22 мая 2022 года хацелі падтрымаць Украіну і не задумваліся пра значэнне сказаных імі словаў.

Прапагандысты з тэлеканалу «Мозырь» вырашылі не пазначаць аўтараў сюжэту. Але па голасу можна апазнаць, што тэкст чытае рэдактарка канала — Святлана Грудзько.

Святлана Грудзько. Фота: уласная старонка Грудзько «УКантакце»

Каментары29

  • Парабеллум УПА
    23.09.2023
    Когда будут накладываться поражающие воображение репарации по итогам этой войны, не стоит делать вид, что кто то был в стороне и ничего не знал..
  • Двайныя стандарты
    23.09.2023
    Слава Расеі можна, а слава Украіне не?
  • Міколка
    23.09.2023
    Дарэчы, менавіта ўкраінскія нацыяналісты з ПС аднымі з першых прынялі бой супраць прарасейскіх сепаратыстаў і расейскіх грушных дыверсантаў на Данбасе ў 2014. Таму Героям Слава!
    А лукашыстка Грудзько да сканчэння сваіх ганебных дзён будзе працаваць на рэпарацыі на адбудаванне Ўкраіны.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Пуцін задае бардэлю парадак дня». Прапаганда выкручваецца перад перамовамі ў Стамбуле5

«Пуцін задае бардэлю парадак дня». Прапаганда выкручваецца перад перамовамі ў Стамбуле

Усе навіны →
Усе навіны

Навукоўцы распрацавалі вакцыну ад алергіі на катоў

У спісе чакання на атрыманне нямецкай візы стаяць больш за 50 тысяч беларусаў4

«А пасля пачынаецца імпатэнцыя». Ніхто не кажа мужчынам, якія рызыкі нясе тэстастэрон4

«15 гадоў — гэта ўжо жанчына, у яе ўсё было». Фігурыст Авярбух расказаў пра знаёмства са сваёй маладой жонкай14

«Пятрухін, просьба не займацца лухтой». Кабанаў пасварыўся з былым сябрам падчас дэбатаў у КР17

Келаг: ЗША разглядаюць магчымасць размяшчэння замежных войскаў ва Украіне3

Беларускі спеўны гурт прыехаў у вёску Дашы на Падляшшы. Мясцовая бабуля іх зачаравала4

У Мінску прадаецца кватэра, якая выглядае як музей савецкага жылля4

У Барысаўскім раёне ласяня выйшла па дапамогу да людзей ФОТЫ

больш чытаных навін
больш лайканых навін

«Пуцін задае бардэлю парадак дня». Прапаганда выкручваецца перад перамовамі ў Стамбуле5

«Пуцін задае бардэлю парадак дня». Прапаганда выкручваецца перад перамовамі ў Стамбуле

Галоўнае
Усе навіны →

Заўвага:

 

 

 

 

Закрыць Паведаміць