Улады КНДР вырашылі дэпартаваць амерыканскага вайскоўца, які збег у гэтую краіну з Паўднёвай Карэі
Улады краіны дэпартуюць амерыканскага вайскоўца Трэвіса Кінга пасля завяршэння расследавання яго «незаконнага» ўезду ў краіну. У якія тэрміны гэта адбудзецца, не ўдакладняецца, піша «Медуза» са спасылкай на Цэнтральнае тэлеграфнае агенцтва КНДР.
23-гадовы шараговец арміі ЗША Трэвіс Кінг, які праходзіў службу ў Паўднёвай Карэі, перасек мяжу КНДР у сярэдзіне ліпеня. Незадоўга да ўцёкаў Кінга меліся адхіліць ад службы і вярнуць у ЗША «з дысцыплінарных прычынаў». Паведамлялася, што ён знаходзіўся пад вартай па абвінавачванні ў нападзе.
Пазней улады Паўночнай Карэі заявілі, што Кінг наважыўся перайсці ў КНДР з-за «антыпатыі да бесчалавечных здзекаў і расавай дыскрымінацыі ўнутры Узброеных сіл ЗША і расчаравання ў нераўнапраўным амерыканскім грамадстве».
У 2017 годзе розгалас атрымаў факт смерці студэнта Ота Уормбіра, якога ў Пхеньяне асудзілі на 15 гадоў за плакат. Бацькі сказалі, што сына моцна збівалі. Уормбіра вызвалілі, і ён з'ехаў у ЗША, дзе вельмі хутка памёр.
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў9
Каментары