Беларуская баскетбалістка Кацярына Сныціна расказала, што сустракаецца з дзяўчынай Надзяй, з якой пазнаёмілася ў Лондане. Камінг-аўт вядомая спартоўка зрабіла падчас кулінарнага шоу «Ператрэм з Халезіным».
«У Беларусі мне ніколі не прыходзіла ў галаву быць адкрытай. Маўляў, вось я ў адносінах з дзяўчынай. Але цяпер усё ідэальна супала. У Лондане я сустрэла Надзю. У самым афігенным горадзе, дзе людзі настолькі талерантныя адно да аднаго, — сказала Кацярына Сныціна. —
Мае сябры, сям'я заўсёды ведалі, калі была з кімсьці ў адносінах. У маім коле не было праблем. Але дзяліцца гэтай інфармацыяй з іншымі не хацелася на ўнутраным узроўні».
На перадачы Кацярына пачаставала дзяўчыну блінцамі, адзначыўшы, што гэта Надзіны любімыя.
Нядаўна баскетбалістка заявіла, што заканчвае прафесійную кар'еру і цяперашні сезон будзе апошнім. Кацярына Сныціна другі год запар гуляе за каманду «Лондан Лаянс». У 2007-м спартоўка была бронзавай прызёркай чэмпіянату Еўропы.
Ад біксі да шэгі. Трэндавыя прычоскі беларускіх зорак
«Балі і абдыманкі з Лукашэнкам — не палітыка?» Спыталі ў сумленных спартсменаў, ці варта зняць спартовы бан з Расіі і Беларусі
«Мы «павінны» дзяржаве? Тады і дзяржава мне павінна». Сныціна — пра чыноўнікаў, сваю краму мерчу і тое, чаму верыць у перамогу
Усё здарылася на Новы год. Смерць самай публічнай супрацоўніцы мінскага АМАПа дагэтуль пакідае пытанні7
Каментары