У Казахстане «па тэхнічных прычынах» адмянілі канцэрты Галкіна. Артыст казаў, што яго выступам тут перашкаджаюць на дзяржаўным узроўні
Выступленні Максіма Галкіна ў Казахстане адменены, піша «Новая газета Еўропа».
30 верасня кіраўніцтва Цэнтральнай канцэртнай залы «Казахстан» у Астане абвясціла, што на пляцоўцы будуць праведзены тэхнічныя работы на сетках вадаправода з 4 па 10 кастрычніка. 8 кастрычніка ў ЦКЗ павінен быў адбыцца канцэрт Максіма Галкіна.
1 кастрычніка зачыніўся і Палац Рэспублікі ў Алматы, дзе быў запланаваны выступ артыста, — там раптам «зламалася сцэна».
Раней Галкін заяўляў, што дзяржорганы Казахстана перашкаджаюць яго выступам. Паводле яго, на канцэрты сталі прадавацца квіткі, але кіраўніцтва пляцовак стала спасылацца на «выдуманыя прычыны і кулуарныя забароны».
Ва ўпраўленні культуры Астаны тады прапаноўвалі яшчэ раз падаць заяўку на выступ.
Максім Галкін з самага пачатку ўварвання войскаў РФ ва Украіну паслядоўна выступае супраць вайны. У Расіі ён абʼяўлены «замежным агентам».
У Казахстане раней таксама адмянялі выступленні і артыстаў з Расіі, якія падтрымліваюць вайну, — Паліны Гагарынай і Рыгора Лепса, а таксама там перасталі прадаваць квіткі на канцэрты комікаў, якія з'ездзілі на Данбас.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары