У меркаванай рэзідэнцыі Лукашэнкі ў цэнтры Мінска зарэгістраваны «Фонд Першага»
Мінюст Беларусі зарэгістраваў «Фонд Першага Прэзідэнта Рэспублікі Беларусь «Фонд Першага». На запіс у Адзіным дзяржаўным рэгістры юрыдычных асоб і ІП звярнуў увагу юрыст Юрый Чавусаў.
Фонд зарэгістраваны 25 кастрычніка 2022 года рашэннем № 54 па адрасе: Мінск, вуліца Чырвонаармейская, 15. Менавіта там знаходзіцца загадкавая новая рэзідэнцыя са спа-цэнтрам, басейнам, канферэнц-залай, рабочым кабінетам і спальняй, паведамляе Reform.by.
Выданне атрымала падрабязную выпіску з рэгістра, але яснасці, што гэта за фонд, больш не стала. У выпісцы няма ніякіх кантактных даных або інфармацыі аб заснавальніках фонду. Ёсць толькі інфармацыя аб ведамаснай падпарадкаванасці — «іншыя юрыдычныя асобы без ведамаснай падпарадкаванасці». У якасці формы ўласнасці пазначана «маёмасць недзяржаўных юрыдычных асоб без дзяржаўнага і замежнага ўдзелу».
Дакументацыю на новы аб'ект у сваё распараджэнне атрымалі былыя сілавікі з «Белпол». Па інфармацыі «Нашай Нівы», тая рэзідэнцыя планавалася пад старшыню Усебеларускага народнага сходу.
Лукашэнка 21 верасня быў вымушаны асабіста каментаваць інфармацыю аб новай рэзідэнцыі. Ён заявіў, што вырашыў сабраць пад адзін дах усе фонды, якія ўлады закрылі.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары