Зняволеную адвакатку Юлію Юргілевіч уганаравалі Міжнароднай прэміяй Тэр'е
У канцы жніўня гэту юрыстку з Гродна асудзілі на шэсць гадоў калоніі па палітычных матывах.
Адвакатцы Юліі Юргілевіч далі Міжнародную прэмію Людовіка Тэр'е ў галіне правоў чалавека.
Гэта прэмія заснавана ў 1984 годзе і ўручаецца юрысту, які сваёй актыўнай дзейнасцю садзейнічае абароне правоў чалавека, праве на абарону, садзейнічае вяршэнству права, вядзе барацьбу з расізмам і нецярпімасцю ў любой форме.
Першай асобай, якая атрымала гэту прэмію, быў Нэльсан Мандэла, піша «Вясна».
Юлія Юргілевіч — адвакатка, якая абараняла шматлікіх палітвязняў і ў лютым 2022 года была пазбаўлена ліцэнзіі.
Яе затрымалі напрыканцы жніўня 2022 года па вяртанні ў Беларусь з Польшчы. Пазней яе асудзілі разам з журналістам Паўлам Мажэйкам на шэсць гадоў калоніі за «садзейнічанне экстрэмісцкай дзейнасці».
Падтрымайце Юлію: Турма № 1. 230023, Гродна, Кірава, 1, Юлія Пятроўна Юргілевіч
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары