Поўны блэкаўт можа паставіць пад пагрозу жыхароў — у сектары Газа пражывае каля 2,3 млн чалавек.
Адзіная электрастанцыя ў сектары Газа, якая забяспечвае жыхароў анклава электраэнергіяй, можа застацца без дызельнага паліва на працягу некалькіх дзён, гаворыцца ў заяве ААН, піша Бі-бі-сі.
Поўны блэкаўт можа паставіць пад пагрозу жыхароў — у сектары Газа пражывае каля 2,3 млн чалавек.
Сектар у значнай ступені залежыць ад Ізраіля, які ў нядзелю цалкам спыніў пастаўкі.
Звычайна Газа закупляе ў Ізраіля 120 МВт электраэнергіі ў дзень, а яе адзіная электрастанцыя, якая працуе на дызельным паліве (якое таксама паступала з Ізраіля) вырабляе яшчэ 60 МВт.
У паведамленьні ААН таксама гаворыцца, што ў сектары Газа ў выніку баявых дзеяньняў перамешчана больш за 123 тысячы палесцінцаў.
«Баявыя дзеянні прывялі да ўнутранага перамяшчэння насельніцтва. Больш за 17 500 сем'яў, у якіх пражывае 123 538 чалавек, сталі вымушанымі перасяленцамі ў Газе, у асноўным з-за страху, праблем з бяспекай і разбурэння дамоў», — заяўляюць у арганізацыі.
Па даных ААН, ізраільскія авіяўдары наносяцца ў тым ліку па жылых дамах, у некаторых выпадках — без папярэджання жыхароў аб эвакуацыі.
«У горадзе Газа былі цалкам разбураныя чатыры буйныя жылыя шматпавярховікі. [ … ] Па наяўных даных, у гэтых выпадках ізраільскія войскі загадзя папярэджвалі аб небяспецы, і загінулых у выніку гэтых інцыдэнтаў не было. Па даных Міністэрства грамадскіх работ і жыллёвага будаўніцтва Газы, 159 будынкаў было разбурана, а 1210 атрымалі сур'ёзныя пашкоджанні».
Браты-блізняты прыйшлі працаваць у міліцыю. Адзін з іх пераплыў раку і ўцёк з Беларусі, каб не займацца палітычнымі справамі. Пагутарылі з ім6
Каментары