Жыхар Рэчыцы прадаваў у інтэрнэце няісныя смартфоны. Здолеў прадаць 30 чалавекам
Як толькі пакупнік пераводзіў задатак, прадавец абрываў сувязь і выдаляў фэйкавыя старонкі. І гэта была не адзіная ягоная махінацыя.
Супрацоўнікі крымінальнага вышуку УУС Гомельшчыны затрымалі махляра, які прадаваў у інтэрнэце няісныя смартфоны, піша Blizko.by.
Пакупнікоў падманваў 33-гадовы жыхар Рэчыцы. Ён размяшчаў у сацсетцы аб'явы аб продажы папулярных мадэляў гаджэтаў, фатаграфіі якіх браў з інтэрнэту. Прычым прапановы адрозніваліся нізкімі цэнамі, таму і прыцягвалі кліентаў.
Але як толькі пакупнік пераводзіў задатак, прадавец абрываў сувязь і выдаляў фэйкавыя старонкі.
Таксама аферыст купляў фота пашпартоў грамадзян іншых дзяржаў, на якія афармляў віртуальныя карты замежных банкаў, куды пацярпелыя пералічвалі грошы.
Нягледзячы на канспірацыю, аператыўнікам удалося знайсці зламысніка. Вядома пра больш як 30 выпадкаў падману.
Распачатыя крымінальныя справы за махлярства. Мужчына арыштаваны.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення17
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары