Школьнікаў будуць вучыць, што нацыянальныя сімвалы беларусаў — нацысцкія, а пратэсты 2020 года — метады калабарантаў. Выйшлі такія падручнікі
Нацыянальны інстытут адукацыі апублікаваў навучальныя дапаможнікі па генацыдзе беларускага народа ў гады Вялікай Айчыннай вайны, па якіх будуць вучыцца беларускія школьнікі з 1 па 11 клас. Аналіз падручнікаў паказвае, што ў іх утрымліваецца адкрытая палітычная прапаганда, піша тэлеграм-канал «МотолькоПомоги».
Да прыкладу, у падручніку для 1-4 класаў гаворыцца, што калабаранты выкарыстоўвалі бел-чырвона-белы сцяг і герб «Пагоня», а таксама заяўляецца, што «носьбіты гэтай сімволікі актыўна ўдзельнічалі ў пакараннях ваеннапалонных і мірнага насельніцтва, рабаваннях на карысць нацысцкай Германіі».
У падручніку для 5-9 класаў пра калабарантаў распавядаюць ужо на некалькіх старонках, таксама робяць акцэнт на сімволіцы і звязваюць гэта з пратэстамі 2020 года.
«Дэструктыўныя сілы паспрабавалі ажыццявіць дзяржаўны пераварот выкарыстоўваючы нацысцкую сімволіку і метады барацьбы калабарацыяністаў», — гаворыцца ў падручніку для школьнікаў.
Там жа апублікаванае фота з аднаго з пратэсных маршаў лета 2020 года. Каля выявы размешчаны тэкст: «У 2020 годзе Беларусь зноў сутыкнулася з праявамі экстрэмізму і тэрарызму пад нацысцкай сімволікай».
Больш за тое, аўтары падручніка пра калабарацыянізм не забыліся распавесці дзецям і пра тое, што «9 жніўня 2020 года ў Беларусі прайшлі прэзідэнцкія выбары, на якіх больш за 80% грамадзян аддалі свае галасы за кандыдатуру дзейнага Кіраўніка дзяржавы — А. Г. Лукашэнку».
Тое ж самае гаворыцца і ў падручніку для 10-11 класаў, піша канал.
Навучальныя дапаможнікі «Генацыд беларускага народа ў гады Вялікай Айчыннай вайны» падрыхтаваны Міністэрствам адукацыі па ініцыятыве Генеральнай пракуратуры.
-
Завяшчаў Карыне Шуляк 50 мільёнаў, а яе бацька лётаў з ім на верталёце за месяц да арышту. Што яшчэ стала вядома з файлаў Эпштэйна
-
Лукашэнка паабяцаў дапамагчы прэзідэнту Бразіліі з пераабраннем. Хай той толькі папросіць
-
Былога намесніка старшыні БНФ Анатоля Фёдарава разбіў інсульт проста падчас стрыму Пятрухіна
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ20
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары
Такая срака назаўжды застанецца, як помнік лукашызму