Лукашэнка: Валоданне рускай мовай — наш найвялікшы здабытак. Навошта мы губляем рускую мову?
Аляксандр Лукашэнка ў сваім выступе на саміце кіраўнікоў СНД у Бішкеку назваў вельмі своечасовай і запатрабаванай ініцыятыву прэзідэнта Казахстана Касым-Жамарта Такаева аб заснаванні міжнароднай арганізацыі па рускай мове.
«Вы ведаеце, мы сёння ўсе размаўляем на рускай мове, таму не так востра адчуваем гэтую каласальную праблему. А паглядзіце на моладзь у нашых рэспубліках. Многія размаўляюць на рускай мове горш і слабей, чым на англійскай і іншай мове. Гэта (валоданне рускай мовай) найвялікшы наш здабытак. Можам дастукацца да таго, што будзем размаўляць праз перакладчыка. Няможна страціць мову міжнацыянальных зносін, як яе называюць. І потым, я наогул не разумею, а чаму яе павінны страціць? Яна што, шкодзіць нам, нашаму пакаленню? Не. Яна не павінна шкодзіць і пакаленню нашых дзяцей. Гэта наш здабытак», — цытуе словы Лукашэнкі ягоная прэс-служба.
Аляксандр Лукашэнка падкрэсліў, што заўсёды гаварыў аб тым, што руская мова — гэта не руская мова:
«Гэта наша агульная мова. Мы былі ў адзінай дзяржаве доўгі час. А зыходзячы з канцэпцыі, што мова — гэта жывое, творча развіваецца, дык мы ж разам развівалі гэтую рускую мову. Там часцінка азербайджанцаў, узбекаў, таджыкаў і гэтак далей. Не толькі рускіх і беларусаў. Таму навошта мы губляем рускую мову?»
Ён адзначыў, што яго радуе тэндэнцыя ў сярэднеазіяцкіх краінах, уключаючы Таджыкістан, Кыргызстан, Узбекістан, дзе з'яўляюцца новыя школы і ўніверсітэты, у якіх вывучаюць і выкладаюць на рускай мове.
«Але гэтага мала. Таму вось гэтая ініцыятыва па рускай мове — гэта не менш важная ініцыятыва, чым нейкая з вобласці эканомікі. Я ўжо не кажу пра тое, як ідуць справы ў нас з рускай мовай у былой Варшаўскай дамове (у дзяржавах, якія ўваходзілі ў гэтае аб'яднанне). Мы, у адрозненне ад іх, не хочам, каб наша моладзь камунікавала, як я ўжо сказаў, паміж сабой праз перакладчыка або толькі на англійскай мове», — падкрэсліў Лукашэнка.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты7
Каментары