«Наша краіна — сямʼя, дзе ёсць «бацька». Качанаву ўзнагародзілі ордэнам
Падчас форуму «Размова аб важным: шчаслівая сямʼя — моцная дзяржава» ў полацкім Сафійскім саборы старшыні Савета Рэспублікі Нацыянальнага сходу Беларусі Наталлі Качанавай уручылі ордэн святой праведнай Сафіі Слуцкай, паведамляе СТБ.
Як піша канал, такі форум — гэта сумесная ініцыятыва Савета Рэспублікі і Беларускай праваслаўнай царквы, прысвечаная «ўмацаванню статусу сямʼі і папулярызацыі традыцыйных каштоўнасцяў».
У Сафійскім саборы сабраліся шматдзетныя семʼі, дэпутаты, прадстаўнікі духавенства, сістэмы адукацыі, аховы здароўя і сацыяльнай сферы — каля 300 чалавек.
Спікеры гаварылі аб «умацаванні інстытута сямʼі, мацярынстве і дзяцінстве, адказным бацькоўстве, мерах па папярэджанні хатняга гвалту».
«Тыя дзяржавы, якія жывуць сваімі традыцыямі і робяць усё на карысць свайго народа, сёння спрабуюць зламаць. Але нашу краіну зламаць немагчыма, таму што мы адзіныя ў імкненні зрабіць усё самае лепшае для росквіту нашай дзяржавы. Наша краіна — сямʼя, дзе ёсць бацька, у якога ўсё жыццё прысвечана народу і краіне. Каб мы жылі ў міры і спакоі – і гэта тытанічная праца», — адзначылася новым выказваннем Качанава.
На сустрэчы Качанава ўручала падзякі. А пасля яна сама «за ўзаемадзеянне з праваслаўнай царквой» была ўзнагароджана ордэнам Беларускай праваслаўнай царквы святой праведнай Сафіі, княгіні Слуцкай. Узнагарода прысуджаецца «за працы на карысць праваслаўя».
-
Беларускі рэцыдывіст, які нідзе не працаваў, акрамя калоній, пайшоў ваяваць за Расію. Цяпер у палоне
-
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску
-
Дзе на гэтых выходных у Мінску працуюць сельскагаспадарчыя кірмашы
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску20
Каментары
Качанава - мой идэал непарочнай нявесты