У Мінску прайшоў паўфінал расійскай футбольнай медыялігі — яго татальна заігнорылі заўзятары
У суботу на нацыянальным стадыёне «Дынама» правялі паўфінал расійскай футбольнай медыялігі. Але трыбуны былі амаль пустыя, бо каманды не зорныя.
![](http://nnexpictures.fra1.digitaloceanspaces.com/img/w732d4webp1/photos/z_2023_10/-1-xb0ba.png.webp)
Пустыя трыбуны на матчы. Скрын трансляцыі
На полі гулялі дзве расійскія каманды — Fight Nights і «Тытан», беларусаў сярод гульцоў не было.
![](http://nnexpictures.fra1.digitaloceanspaces.com/img/w732d4webp1/photos/z_2023_10/-2-ukjrt.png.webp)
Пустыя трыбуны на матчы. Скрын трансляцыі
Медыяліга — гэта футбольны турнір, у якім удзельнічаюць былыя футбалісты, блогеры і селебрыці. Калі ў верасні на «Барысаў-Арэне» гулялі «Амкал» з «Сахалінцам», там быў амаль аншлаг.
Перад гэтым сезонам медыялігі была створаная беларуская каманда D-Media, у якую ўвайшлі вядомыя ў мінулым гульцы кшталту Станіслава Драгуна і Віталя Радзівонава. Але ёй не ўдалося прабіцца ў чэмпіянат, яна выбыла ў стыкавых матчах.
Каментары