Беларусь папрасіла даслаць ёй іранскія лекі — Міністэрства аховы здароўя Ірана
«Дамовіліся аб сумеснай вытворчасці лекаў і медыцынскага абсталявання».
Беларусь і Іран дамовіліся аб сумесным супрацоўніцтве ў галіне медыцыны і сумеснай вытворчасці лекаў. Пра гэта 16 кастрычніка паведаміў міністр аховы здароўя Ірана Бахрам Эйнаплахі, перадае іранскае агенцтва IRNA.
Той адзначыў, што Беларусь папрасіла імпартаваць з Ірана «некаторыя фармацэўтычныя прадукты», а таксама выказала гатоўнасць спрасціць у сябе рэгістрацыю іранскіх лекаў і медыцынскага абсталявання.
«Беларусь папрасіла ў нас некаторыя фармацэўтычныя прадукты, і ў гэтых адносінах мы пачнем максімальнае супрацоўніцтва. Аднак аб'ём вытворчасці гэтых некаторых лекаў можа аказацца недастатковым для экспарту ў іншыя краіны», — адзначыў міністр аховы здароўя Ірана агенцтву IRNA.
Нагадаем, што нядаўна пра недахоп лекаў у шпіталях Беларусі пісала «Радыё Свабода». Адбываецца гэта ў першую чаргу з-за эканамічных санкцый, адзначылі «Свабодзе» некаторыя пацыенты і доктар з 20-гадовым стажам, які працуе ў адной з беларускіх устаноў аховы здароўя.
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі13
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі
Адвакат Аляксандр Данілевіч: Мяне адвялі ў клетку на КПП і зачыталі ўказ для службовага карыстання пра памілаванне па просьбе Міжнароднага алімпійскага камітэта1010
Каментары