Уначы Расія нанесла шэсць ракетных удараў па Запарожжы — два чалавекі загінулі, некалькі параненыя
Жыхары дома, які пацярпеў у выніку ўдару, эвакуяваныя.
Фота: «Суспільне Запарожжа»
Ноччу 18 кастрычніка расіяне нанеслі шэсць ракетных удараў па Запарожжы, патрапілі ў шматпавярховы дом, ёсць загінулыя і параненыя.
«Сёння ноччу, з 01:33 па 01:48, тэрарыстычныя войскі нанеслі шэсць ракетных удараў па тэрыторыі горада Запарожжа. Тып ракет высвятляецца. Адзін з удараў прыйшоўся на шматпавярховы дом у цэнтральнай частцы горада», — напісаў сакратар Запарожскай гарадской рады Анатоль Курцеў.
У выніку тэрарыстычнай атакі два чалавекі загінулі, некалькі параненыя.
Жыхары дома эвакуяваныя, ім будзе прапанавана часовае жыллё.
Каментары