Самалёт рэйсам Анталья — Масква здзейсніў незапланаваную пасадку ў Віленскім аэрапорце, пасля чаго працягнуў свой палёт. Літоўскія аэрапорты зазначаюць, што гэта быў прыпынак, выкліканы форс-мажорнымі абставінамі, піша Delfi.lt.
Cпачатку самалёт зрабіў пятлю паміж Вільняй і Коўнам (Каўнасам), а потым сеў у сталіцы Літвы. Пасля поўначы самалёт турэцкай авіякампаніі Southwind Airlines вылецеў з Вільні ў Маскву.
«У адной з пасажырак пачаліся праблемы са здароўем, таму самалёт здзейсніў незапланаваную пасадку ў Вільні. Выклікалі хуткую, якая аказала неабходную дапамогу. Пазней самалёт адправіўся ў Маскву», — сказаў прэс-сакратар літоўскіх аэрапортаў Тадас Павілаўскас.
Кампанія «Паветраная навігацыя» сказала Delfi, што самалёт і перавозчык зарэгістраваныя ў Турцыі.
«На гэты авіялайнер абмежаванні не распаўсюджваюцца. Гэта была аварыйная пасадка з-за здароўя пасажыра», — сказала кіраўніца кампаніі Інгрыда Нуабарэ.
Яна дадала, што санкцыі ЕС распаўсюджваюцца толькі на самалёты, зарэгістраваныя ў РФ, і на самалёты грамадзян РФ, выключэнне робяць на выпадак аварыйнай пасадкі.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў24
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары