Southwind Airlines была створана ў 2022 годзе для палётаў з Турцыі ў Расію.
Сёння на прэс-канферэнцыі, прысвечанай Дню грамадзянскай авіяцыі, гендырэктар Нацыянальнага аэрапорта Мінск Вячаслаў Харанека распавёў, што новая авіякампанія будзе лётаць у Мінск, піша Blizko.by.
— У нас праходзіць афармленне неабходнай дакументацыі ў Дэпартаменце па авіяцыі турэцкая авіякампанія «Паўднёвы вецер» (Southwind). Яны плануюць пачаць палёты ў Беларусь і ў Стамбул.
Southwind Airlines — маладая турэцкая чартарная авіякампанія, якая была створана ў 2022 годзе для палётаў з Турцыі ў Расію. У кампаніі 14 самалётаў Airbus і Boeing, яна выконвае палёты ў Расію, Ізраіль, Нямеччыну і Швейцарыю.
Усе рэйсы з Турцыі выконваюцца з Антальі.
Шмат гадоў з Мінска ў Турцыю лётала авіякампанія Turkish Airlines. У лютым 2022 года яна часова прыпыніла рэйсы, але так і не аднавіла іх.
«Белавія» лётае ў Стамбул з ліпеня 1996 года.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам11
Каментары