Майстар з Камянца выразаў з дрэва фігуру культавага кінагероя
Скульптуру Аляксей Туркоў зрабіў на прыватную замову — чалавек плануе паставіць яе ў сябе на лецішчы.
Драўляную скульптуру Кузьміча з фільма «Асаблівасці нацыянальнага палявання» зрабіў у сваёй майстэрні народны майстар Беларусі, разьбяр па дрэве Анатоль Туркоў, піша kamenec.by.
Выразаны з дуба Кузьміч пазнаецца імгненна: тыя ж вусы, тая ж хітрынка ў вачах, не кажучы ўжо пра яго знакаміты плашч і шапку-вушанку.
Скульптуру майстар вырабіў на прыватную замову — чалавек плануе паставіць у сябе на лецішчы.
Першапачаткова гаворка ішла пра мядзведзя, але дубовая калодка, якую заказчык прывёз у майстэрню, падалася Анатолю Савельевічу тонкай. Аж надта худы выйшаў бы мядзведзь. Тады і ўзнікла ідэя з Кузьмічом (акцёр — Віктар Бычкоў).
«Мне гэтая ідэя падалася нашмат цікавейшай, чым мядзведзь, — прызнаецца майстар. — Я люблю прадумваць рысы будучага персанажа і ствараць пазнавальны твар. Кузьміч атрымаўся як з экрана. У якасці трафеяў майстар даў яму ў адну руку стрэльбу, у іншую — рыбу (адсылка да «Асаблівасцяў нацыянальнай рыбалкі»). Праца над скульптурай заняла два тыдні: кожны дзень ад відна да відна.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары